முதுகுளத்தூர்: முதுகுளத்தூர்,தூரி,கிடாத்திருக்கை, ஏனாதி,காக்கூர்,வெண்ணீர்வாய்க்கால், பேரையூர்,இளஞ்செம்பூர், புல்வாய்க்குளம், எட்டுசேரி உட்பட ஏராளமான கிராமங்களில் பழனி தைப்பூச விழாவை முன்னிட்டு கடந்த ஒரு மாதத்திற்கு முன்பு மாலை அணிவித்து விரதம் இருந்து வந்தனர்.இந்நிலையில் முதுகுளத்தூர்- பரமக்குடி சாலை வழிவிடு முருகன் கோயிலில் இருந்து 50க்கும் மேற்பட்ட பக்தர்கள் காவடி எடுத்து பஸ் ஸ்டாண்ட்,காந்தி சிலை, முருகன் கோயில் செல்வி அம்மன் கோயில் வழியாக அலங்கரிக்கப்பட்ட தேரில் வீதி உலா வந்தனர். பின்பு பக்தர்கள் பழனிக்கு 10நாள் பாதயாத்திரையாக​ புறப்பட்டனர். இதற்கான ஏற்பாடுகளை சரவணா பழனி பாதயாத்திரை குழு மற்றும் ஆன்மீக அறக்கட்டளை செய்தனர்.