ஒட்டன்சத்திரம், முழு ஊரடங்கு காரணமாக போக்குவரத்து இடையூறின்றி பழநிக்கு பக்தர்கள் பாதயாத்திரை சென்றனர்.

ஆண்டுதோறும் பழநியில் நடைபெறும் தைப்பூசத்தை முன்னிட்டு தமிழகத்தின் பல்வேறு மாவட்டங்களில் இருந்து பக்தர்கள் பாதயாத்திரை செல்வது வழக்கம். வேடசந்தூர், மதுரை, திண்டுக்கல் வழித்தடங்களில் இருந்து வரும் பக்தர்கள் ஒட்டன்சத்திரத்தில் இருந்து ஒரே வழியில் தான் செல்ல வேண்டும். இதனால் இங்கிருந்து பழநி ரோட்டில் பாதயாத்திரை செல்லும் பக்தர்கள் எண்ணிக்கை அதிகமாக இருக்கும். அவ்வாறு பக்தர்கள் செல்லும்போது வாகனங்கள் வரும்போது மிகுந்த கவனத்துடன் செல்ல வேண்டி இருந்தது. இந்நிலையில் நேற்று தமிழகம் முழுவதும் ஊரடங்கு அறிவிக்கப்பட்டதால் ரோடுகளில் வாகனப் போக்குவரத்து இல்லை. இதனால் பக்தர்கள் போக்குவரத்து இடையூறின்றி மகிழ்ச்சியுடன் பழநிக்கு பாதயாத்திரை சென்றனர்.