கடலுார் : கடலுார் துறைமுகம் ஆனந்த விநாயகர் கோவில் கும்பாபிஷேகம் யாக சாலை பூஜைகள் துவங்கியது. கடலுார், துறைமுகம் சஞ்சீவிராயன் கோவில் தெருவில், ஆனந்த விநாயகர் கோவில் அமைந்துள்ளது. இக்கோவில் கும்பாபிஷேகம் வரும் 6ம் தேதி நடக்கிறது. அதையொட்டி, நேற்று காலை 9:00 மணிக்கு அனுக்ஞை, விக்னேஸ்வர பூஜை, மாலை 6:00 மணிக்கு வாஸ்து சாந்தி, முதல் கால யாக பூஜை நடந்தது.இன்று (5ம் தேதி) இரண்டாம் கால பூஜையும், நாளை (6ம் தேதி) காலை 4:30 மணிக்கு மூன்றாம் கால யாக பூஜை, 6:00 மணிக்கு யாத்ராதானம், கடம் புறப்பாடு நடக்கிறது. 6:45 மணிக்கு விமான கும்பாபிஷேகம், 7:15 மணிக்கு மூலவருக்கு கும்பாபிஷேகம் நடக்கிறது.