மதுரை : மதுரை ஒத்தக்கடை யோக நரசிங்க பெருமாள் கோயிலில் பக்தர்கள் செல்வதற்கான அடிப்படை வசதிகளின்றி உள்ளது.

கோயில் முன்புற வளாகத்தில் அமைக்கப்பட்டுள்ள சிமென்ட் பெஞ்சுகளை சுற்றி சிறு கடைகளாக ஆக்கிரமித்துள்ளனர். மழை பெய்தால் பக்தர்கள் திறந்தவெளியில் நிற்க வேண்டியுள்ளது. வளாகத்தில் ஆங்காங்கே குப்பை தேங்கி கிடக்கிறது. இங்குள்ள தெப்பக்குளத்தில் கால்நனைக்கும் வசதியின்றி ஆகாயத்தாமரை மண்டி கிடக்கிறது. இரண்டு தண்ணீர்த் தொட்டி வைப்பதற்கான சிறு திண்டு கட்டப்பட்டு குழாய் இணைப்பு பொருத்தப்பட்டுள்ள நிலையில் தொட்டி மட்டும் இல்லை. ஹிந்து அறநிலையத்துறை பக்தர்களின் வசதிக்காக முன்புறத்தில் மேற்கூரை அமைத்து தண்ணீர், கழிப்பறை வசதி செய்ய வேண்டும்.