மானாமதுரை : வேதியேரேந்தல் விலக்கில் உள்ள மகா பஞ்சமுக பிரத்யங்கிரா தேவி கோவிலில் மகா சண்டி யாகம் கணபதி ஹோமத்துடன் துவங்கியது.இக் கோயிலில் வருடந்தோறும் ஒரு வார காலம் நவசண்டி யாகம் நடைபெறுவது வழக்கம்.கடந்த 2 வருடங்களாக கொரோனா தொற்று காரணமாக நடைபெறாமல் இருந்தது. இந்த வருடத்திற்கான யாகம் நேற்று முன்தினம் கணபதி ஹோமத்துடன் துவங்கியது. இதனைத் தொடர்ந்து ஜூலை 28ந் தேதி வரை நடைபெறும் இந்த யாக விழாவில் மகா சுதர்சன ஹோமம்,புத்திர காமேஷ்டி ஹோமம், வனதுர்கா ஹோமம்,தசமகா வித்யா ஹோமம்,பஞ்சமுக பிரத்யங்கிரா ஹோமம், நவசண்டீ ஹோமம் உட்பட ஏராளமான ஹோமங்கள் தஞ்சை கணபதி சுப்ரமணியன் சாஸ்திரி தலைமையில் நடைபெற உள்ளன. ஹோமத்திற்கான ஏற்பாடுகளை மகா பஞ்சமுக பிரத்யங்கிரா வேத தர்ம சேத்ரா டிரஸ்ட் நிர்வாகிகள் ஞானசேகரன் ராஜகுமாரி செய்து வருகின்றனர்.