கள்ளக்குறிச்சி : கள்ளக்குறிச்சி முத்துமாரியம்மன் கோவிலில் ஆரியமாலா, காத்தவராயன் திருக்கல்யாண உற்சவம் நடந்தது.கள்ளக்குறிச்சி மந்தைவெளியில் உள்ள முத்துமாரியம்மன் கோவில் ஆடிதேர் திருவிழா கடந்த 10ம் தேதி துவங்கி நடந்து வருகிறது. நேற்று காத்தவராயன் சாமிக்கும், ஆரியமாலாவிற்கும் திருக்கல்யாணம் நடத்தி வைக்கப்பட்டது. முன்னதாக தெய்வ திருமணங்களின் சீர்வரிசைகளை பக்தர்கள் ஊர்வலமாக கோவிலுக்கு கொண்டு சென்றனர். தொடர்ந்து விநாயகர் வழிபாடு, புண்ணியாவஜனம், மகாசங்கல்பம், அங்குரார்பணம், காப்புக்கட்டுதல் பூஜைகள் நடந்தது. யாகங்களுக்குப்பின் ஆரியமாலா, காத்தவராயன் திருக்கல்யாணம் நடந்தது.மாலை மாற்றுதல் நிகழ்ச்சிக்குப்பின் மகாதீபாராதனை காண்பிக்கப்பட்டது. தினம் இரவு சுவாமி வீதியுலா நடந்து வரும் நிலையில், 27ம் தேதி காலை 9:30 மணிக்கு தேர் திருவிழா நடக்கிறது.கோவில் அறங்காவலர் குழுவினர் நிகழ்ச்சிக்கான ஏற்பாடுகளை செய்துள்ளனர். கேசவ பட்டர் தலைமையிலான குழுவினர் வைபவங்களை நடத்துகின்றனர்.