மேட்டுப்பாளையம் வனபத்ரகாளியம்மன் கோவிலில் ஆடி குண்டம் விழா
எழுத்தின் அளவு:
பதிவு செய்த நாள்
26ஜூலை 2022 07:07
மேட்டுப்பாளையம்: வன பத்திரகாளியம்மன் கோவிலில் இன்று ஆடி குண்டம் விழா நடைபெறுகிறது.
கோவை மாவட்டத்தில், மிகவும் பிரசித்தி பெற்ற அம்மன் கோவில்களில், மேட்டுப்பாளையம் வனபத்ரகாளியம்மன் கோவிலில் ஒன்று. இங்கு, கடந்த 19ம் தேதி பூச்சாட்டுடன் குண்டம் திருவிழா துவங்கியது. 24ம் தேதி கொடியேற்றம் நடந்தது. நேற்று மாலை, 6:00 மணிக்கு குண்டம் திறக்கப்பட்டது. குண்டத்தை சுற்றி பூக்களால் அலங்காரம் செய்தனர். பின்பு பொங்கல் வைக்கப்பட்டது. அதை தொடர்ந்து குண்டத்தில் ஊஞ்ச விறகு அடுக்கி வைக்கப்பட்டது. கோவில் பூசாரி குண்டத்திற்கு சிறப்பு பூஜை செய்தனர். இன்று காலை, 3:00 மணிக்கு பவானி ஆற்றில் இருந்து அம்மன் அழைப்பும், ஆறு மணிக்கு குண்டம் இறங்கும் நிகழ்ச்சியும் நடைபெற உள்ளது. இதற்கான ஏற்பாடுகளை கோவில் நிர்வாகத்தினர் செய்து வருகின்றனர்.