திருப்புத்தூர்: திருப்புத்தூர் புதுப்பட்டி அகத்தீஸ்வரர் கோயிலில் உலக நன்மை வேண்டி தமிழ் வேதாகம பயிற்சி நிறைவன்று பெருமாள் திருக்கல்யாணம் நடந்தது.

இக்கோயிலில் சங்கரநாராயணனாக பெருமாள் உள்ளார். இங்கு நடைபெறும் கிராம பூசகர்களுக்கான தமிழ் வேதாகம பயிற்சியை நிறைவை முன்னிட்டும், உலக நன்மை வேண்டியும் புரட்டாசி சனியன்று   பெருமாள், திருமகள் தாயார், நிலமகள் திருக்கல்யாணம் நடந்தது. முன்னதாக கிராமத்தினர் ஊர்க்காவலன் கோவிலிலிருந்து சீர் வரிசை எடுத்தனர். சத்தியபாமா தலைமையில் தமிழில் வேள்வி   நடத்தப்பட்டு திருக்கல்யாணம் நடந்தது. ஏற்பாட்டினை அறங்காவலர் பாண்டி, சத்திய பாமா அறக்கட்டளை நிர்வாகிகள் செய்தனர்.