பெ.நா.பாளையம்: பெரியநாயக்கன்பாளையம் அருகே ஸ்ரீதேவி பூதேவி சமேத ஆதிமூர்த்தி பெருமாள் திருக்கோயில் கும்பாபிஷேக விழா இன்று துவங்குகிறது.

பெரியநாயக்கன்பாளையம் அருகே கூடலூர் நகராட்சிக்குட்பட்ட பழையபுதூரில் ஆதிமூர்த்தி பெருமாள் கோவில் உள்ளது. இன்று காலை சுதர்சன ஹோமத்துடன் கும்பாபிஷேக விழா தொடங்குகிறது. தொடர்ந்து, பூமி பூஜை, வாஸ்து பூஜை, யாகசாலை பிரவேசம், அக்னி பிரதிஷ்டை, தீபாராதனை ஆகியன நடக்கின்றன. சனிக்கிழமை காலை, மங்கள வாத்தியம், பெருமாள், தாயார், பரிவார மூர்த்திகளுக்கு சிறப்பு பூஜை, வேதிகா அர்ச்சனை, ஹோமம் ஆகியன நடக்கின்றன. 30ம் தேதி அதிகாலை, 5.00 மணியிலிருந்து, 6.00 மணிக்குள் கும்பாபிஷேகம் நடக்கிறது. நிகழ்ச்சிக்கான ஏற்பாடுகளை ஆதிமூர்த்தி பெருமாள் கோவில் நிர்வாகத்தினர் செய்து வருகின்றனர்.