திருக்கோவிலூர்: திருக்கோவிலூர் வீரட்டானேஸ்வரர் கோவில் வளாகத்தில் நாளை மெய்ப்பொருள் நாயனார் குருபூஜை விழா நடக்கிறது.

நாயன்மார்கள் 63 வரில், விபூதியையும், சிவனடியாரையுமே சிவனாக கண்டு போற்றியவர் திருநீற்று செல்வர் என்று போற்றப்பட்டு திருக்கோவிலூரை தலைமையிடமாக கொண்டு ஆட்சி செய்த மெய்ப்பொருள் நாயனார். வீரட்டானேஸ்வரர் கோவில் வளாகத்தில் சித்தி வளாகம் அமைந்துள்ளது. திருக்கோவிலூர் மெய்ப்பொருள் நாயனார் சித்தி வளாக வழிபாட்டு மன்றத்தின் சார்பில் 19 ஆவது குருபூஜை விழா நாளை 19ஆம் தேதி நடக்கிறது. செத்தவரை தர்ம பரிபாலன டிரஸ்ட் சுவாமிகள் சிவஜோதி மோன சித்தர் இடப்பக் கொடியை ஏற்றி விழாவை துவக்கி வைக்கிறார். திருவண்ணாமலை ஜீவா அம்மாள், புதுவை தணிகாசலம், எலந்தம்பட்டு அருணாச்சலம் ஐயா, விருத்தாசலம் 63 திருப்பணி மன்ற நிர்வாகி சங்கர், விழுப்புரம் சங்கர் ஜி முன்னிலை வகிக்கின்றனர். இட்டலிங்க ஆத்ம லிங்க மூர்த்தி களுக்கு சிவனடியார்கள் அபிஷேக ஆராதனை மலர் வழிபாடு, ஒலி வழிபாடுகளை செய்கின்றனர். தொடர்ந்து மெய்ப்பொருள் நாயனர் மூலமூர்த்திக்கு அபிஷேகம் அலங்காரம் தீபாராதனை நடக்கிறது. மாலை 3:00 மணிக்கு மெய்ப்பொருள் நாயனார் சொற்பொழிவு, ஜீவ சீனிவாசனின் இசை சொற்பொழிவு நடக்கிறது. விழாவிற்கான ஏற்பாடுகளை பக்தர்கள் செய்து வருகின்றனர்.