தஞ்சாவூர், சுவாமி விவேகானந்தரின் 161வது பிறந்தநாளை முன்னிட்டு,கும்பகோணம் போர்ட்டர் டவுன் ஹாலி உள்ள அவரது உருவச் சிலைக்கு பல்வேறு அமைப்பினர் மாலை அணிவித்து மரியாதை செலுத்தினர்.
 
தஞ்சாவூர் மாவட்டம் கும்பகோணத்தில், சுவாமி விவேகானந்தரின் 161வது பிறந்தநாளை முன்னிட்டு, ரயில்வே ஸ்டேஷனில் உள்ள, அவரது படத்திற்கு கும்பகோணம் ராமகிருஷ்ண விவேகானந்தர் டிரஸ்ட் செயலாளர் வெங்கட்ராமன் உள்ளிட்டோர் மாலை அணிவித்து, தன்னம்பிக்கை  உறுதி மொழி எடுத்துக்கொண்டனர்.   
 
பின்னர், கும்பகோணம் போர்டர் டவுன் ஹால் முகப்பில் உள்ள சுவாமி விவேகானந்தரின் ஏழு அடி உயரமுள்ள வெண்கல உருவச் சிலைக்கு தஞ்சாவூர் ஸ்ரீ ராமகிருஷ்ண மடத்தின் தலைவர் சுவாமி விமூர்த்தானந்த மஹராஜ்  மாலை அணிவித்து மரியாதை செலுத்தினார்.தொடர்ந்து, மத்திய அரசின் இளைஞர் நலன் மற்றும் விளையாட்டுத்துறை , நேரு யுவ கேந்திரா, விவேகானந்தர் களம்  அமைப்பு சார்பில் ரத்தான முகாம் நடந்தது.   
 
இதில்,  தாசில்தார் வெங்கடேஸ்வரன் கணேசன், ஸ்ரீ ராமகிருஷ்ண விவேகானந்தர் டிரஸ்ட் வெங்கட்ராமன், போர்டர் டவுன்ஹால் செயலாளர்  விஜயகுமார்,  குடந்தை அனைத்து தொழில் வணிகர் சங்க கூட்டமைப்பு செயலாளர் சத்தியநாராயணன் உள்ளிட்டோர் கலந்துக்கொண்டனர்.  
 
இதை போல, தஞ்சாவூர் வடக்கு மாவட்ட பா.ஜ., சார்பில், மாவட்ட தலைவர்  சதீஷ்குமார் தலைமையில் ஊர்வலமாக சென்று போர்டர் ஹாலில் உள்ள விவேகானந்தரின் சிலைக்கு மாலை அணிவித்தனர். பின்னர் ஹிந்து அமைப்பினர் மற்றும் பல்வேறு அமைப்பினர் மாலை அணிவித்தனர்.