காரைக்கால்: புதுச்சேரி, காரைக்கால் வட்டம், திருநள்ளாறு ரத்ன விநாயகர் கோயிலில் வரும் 27 ம் தேதி கும்பாபிஷேகம் சிறப்பாக நடைபெற விருக்கிறது.

புதுச்சேரி, காரைக்கால் வட்டம், திருநள்ளாறு தர்பாரண்யேஸ்வரர் கோயில் மேற்கு பக்கம் அமைந்துள்ளது ரத்ன விநாயகர் கோயில்.இக்கோவிலில் வரும் 27 ம் தேதி வெள்ளிக்கிழமை, சஷ்டி திதியில் காலை 8.00 மணிக்கு மேல் 9.30 மணிக்குள் மகா கும்பாபிஷேகம் நடைபெற உள்ளது. விழாவில் ஸ்ரீலஸ்ரீ கயிலை மாசிலாமணி தேசிக ஞானசம்பந்த பரமாசாரியா சுவாமிகள், ஸ்ரீலஸ்ரீ சத்தியஞான மகாதேவ தேசிக பரமாசாரியா சுவாமிகள், ஸ்ரீலஸ்ரீ மகாலிங்க தேசிக பரமாசாரியா சுவாமிகள் கலந்து கொண்டு அருளாசி வழங்கி சிறப்பிக்க உள்ளனர்.

விழாவில் விக்னேஸ்வர பூஜை, மகா கணபதி ஹோமம், நவக்கிரக ஹோமம், வாஸ்து சாந்தி, பூர்ணாகுதி, வேத பாராயணம் நடைபெற உள்ளது. மண்டலாபிஷேகம் செய்ய விருப்பமுள்ளவர்கள் முன்பதிவு செய்து கொள்ள வேண்டும். மேலும் விழாவில் புதுச்சேரி முதல்வர் ரங்கசாமி, சபாநாயகர் செல்வம் மற்றும் அமைச்சர்கள் கலந்துகொள்கின்றனர். விழா ஏற்பாடுகளை மாதபுரீஸ்வர சிவாச்சாரியார், தக்கார் ரவிச்சந்திர சிவாச்சாரியார், கோயில் அர்ச்சகர் சாமிநாத சிவாச்சாரியார் மற்றும் பக்தர்கள் செய்துள்ளனர்.