திருக்கோஷ்டியூர்: திருக்கோஷ்டியூர் சவுமியநாராயணப்பெருமாள் கோயிலில் கும்பாபிஷேகத்தை முன்னிட்டு யாகசாலைக்கு முகூர்த்தக்கால் நடப்பட்டது. இக்கோயிலில் மார்ச் 27ல் நடைபெற உள்ள கும்பாபிஷேகத்தை முன்னிட்டு நேற்று காலை 9: 40 மணி அளவில் மூலவர் சன்னதியில் முகூர்த்தத்தால் கொண்டுவரப்பட்டு சுவாமிக்கு அர்ச்சனை செய்து உத்தரவு வாங்கப்பட்டது. தொடர்ந்து ராஜகோபுரத்திற்கு முன்பாக முகூர்த்தக்கால் நடப்பட்டது. பின்னர் கோவிலினுள் மகாமக கிணறு அருகில் யாகசாலைக்கான முகூர்த்தக்கால் நடப்பட்டது. தேவஸ்தான தச்சு, கொல்லு, சிற்ப நிபுணர்களுக்கு மரியாதை அளிக்கப்பட்டது. கிராமத்தினர், மயில்ராயன்கோட்டை, பட்டமங்கலம் அம்பலகாரர்கள், உபயதாரர்கள் கோட்டையூர் வீரப்பச் செட்டியார், கோவை அன்னபூர்ணா பாபு, கண்காணிப்பாளர் சேவற்கொடியோன் உள்ளிட்டோர் பங்கேற்றனர்.