தேவகோட்டை: தேவகோட்டை ஸ்ரீ தியாகபிரும்ம ஆராதனா உற்சவ் டிரஸ்ட் சார்பில் 176 வது சத்குரு தியாகபிரும்ம ஆராதனை விழா சங்கரர் கோவிலில் ஒரு வாரம் நடந்தது. துவக்கவிழாவை தொடர்ந்து  தினமும் ராமச்சந்திர மூர்த்தி சத்குரு தியாகராஜர் ஆகியோருக்கு சிறப்பு தீபாராதனைகள் நடந்தன. ஒரு வாரம் நடந்த நிகழ்ச்சியில் கார்த்திகேயன் வைஷ்ணவி குழுவினர் நாதஸ்வரம், ரெங்கநாயகி பாட்டு  கச்சேரி, நீலாயதாட்சி பஞ்சரத்ன கீர்த்தனைகள், சென்னை சகுந்தலா திருப்பாவை திருவெம்பாவை இசை நிகழ்ச்சி, கிரீதரன் பாட்டு, பூர்ணிமா இசைச் சொற்பொழிவு, ஜானகிராமன் திவ்யநாமம் பஜனையும்  நடந்தன. நிகழ்ச்சியில் ஏராளமான இசைபிரியர் , பக்தர்கள் பங்கேற்றனர்.