பரமக்குடி: பரமக்குடியில் உள்ள அனைத்து சிவன் கோயில்களிலும் பிரதோஷ விழா நடந்தது.

பரமக்குடி ஈஸ்வரன் கோவிலில் நேற்று மாலை 4:00 மணிக்கு சன்னதியில் உள்ள பிரதோஷ நந்திக்கு சிறப்பு அபிஷேக ஆராதனைகள் நடந்தன. தொடர்ந்து ரிஷப வாகனத்தில் விசாலாட்சி அம்பிகா சமேத சந்திரசேகர சுவாமி கோயில் பிரகாரங்களில் வலம் வந்தார்.

*பரமக்குடி மீனாட்சி சுந்தரேஸ்வரர் கோயிலில் உள்ள பிரதோஷ நந்திக்கு நேற்று மாலை 4:30 மணிக்கு சிறப்பு அபிஷேகம் நடந்தது. பின்னர் ரிஷப வாகனத்தில் மீனாட்சி சுந்தரேஸ்வரர் வலம் வந்தார்.

*எமனேஸ்வரம் எமனேஸ்வரமுடையவர் கோயிலில் பிரதோஷ நந்திக்கு சிறப்பு அபிஷேகம் நடந்தது. ஏராளமான பக்தர்கள் தரிசனம் செய்தனர்.

*நயினார்கோவில் நாகநாத சுவாமி கோயில் பிரதோஷ நந்திக்கு சிறப்பு வழிபாடுகள் நடத்தப்பட்டன.

*மேலப்பெருங்கரை அட்டாள சொக்கநாதர் கோயில், பார்த்திபனூர் சிவன் கோயில் உள்ளிட்ட அனைத்து சிவாலயங்களிலும் சிறப்பு வழிபாடுகள் நடந்தன. பக்தர்கள் ஹர ஹர, சிவ சிவ கோஷம் முழங்க வழிபாடு நடத்தினர்.