திட்டக்குடி:  திட்டக்குடி அசனாம்பிகை உடனுறை வைத்தியநாதசுவாமி கோவிலில், பங்குனி உத்திரப் பெருவிழாவையொட்டி சுவாமி திருக்கல்யாண வைபவம் நடந்தது.

திட்டக்குடி அசனாம்பிகை உடனுறை வைத்தியநாதசுவாமி கோவில் பங்குனி உத்திரப்பெருவிழா, மார்ச் 26ம் தேதி கொடியேற்றத்துடன் துவங்கியது. தொடர்ந்து தினசரி சுவாமிக்கு சிறப்பு அபிஷேகம், அலங்காரம் செய்யப்பட்டு, திருவீதியுலா வந்து பக்தர்களுக்கு அருள்பாலித்தார். ஏழாம்நாள் திருவிழாவையொட்டி, நேற்று முன்தினம் இரவு சுவாமி திருக்கல்யாண வைபவம் நடந்தது. அசனாம்பிகை, வைத்தியநாதசுவாமிக்கு சிறப்பு அபிஷேகம் செய்யப்பட்டு, ஆபரணங்கள் அணிந்து கல்யாண மண்டபத்தில் சிறப்பு அலங்காரத்தில் எழுந்தருளினர். தொடர்ந்து சுவாமி திருக்கல்யாண வைபவம் நடந்தது. இரவு புஷ்ப வாகனத்தில் சுவாமி திருவீதியுலா வந்து பக்தர்களுக்கு அருள்பாலித்தார். ஏப்.3ம் தேதி, திருத்தேர் வடம் பிடித்தல் விழா நடக்கிறது. விழா ஏற்பாடுகளை இந்துசமய அறநிலையத்துறையினர் மற்றும் உபயதாரர்கள், பொதுமக்கள் செய்கின்றனர்.