ராஜபாளையம் : ராஜபாளையம் வள்ளலார் தெரு உமா மகேஸ்வர விநாயகர் கோயில் மண்டல அபிஷேகத்தை முன்னிட்டு சங்காபிஷேக நிகழ்ச்சி நடந்தது.

நேற்று முன்தினம் சகஸ்ர நாம லட்சார்ச்சனை மக்கள இசை தொடங்கி நேற்று கலசஸ்தாபனம், வேதிகார்ச்சனை 108 சங்கு பூஜை, 108 கலச பூஜை மந்திர ஜபம் உமா மகேஸ்வர விநாயகர் பரிவார தெய்வங்களுக்கு மகாபிஷேகம் அதனைத் தொடர்ந்து 108 சங்கராபிஷேகம், கலசாபிஷேகம் நிகழ்ச்சி நடந்தது. திரளான பக்தர்கள் பங்கேற்று வழிபட்டனர். உமா மகேஸ்வர விநாயகர் சிறப்பு அலங்காரத்தில் பக்தர்களுக்கு காட்சியளித்தார். அன்னதானம் நடந்தது. ஏற்பாடுகளை வெள்ளான் செட்டியார் சமூக கோயில் திருப்பணி குழு சார்பில் உறுப்பினர்கள் செய்திருந்தனர்.