சூலூர்: ரங்கநாத புரம் ஸ்ரீ தங்க முத்து மாரியம்மன் கோவில் பொங்கல் திருவிழாவில் ஏராளமான பக்தர்கள் பங்கேற்று வழிபட்டனர்.

சூலூர் அடுத்த ரங்கநாத புரத்தில் உள்ள தங்க முத்து மாரியம்மன் கோவிலில், கடந்த, 25 ந்தேதி நோன்பு சாட்டப்பட்டது. அக்னி கம்பம் நடப்பட்டு, பக்தர்கள் தினமும் கம்பம் சுற்றி ஆடினர். நேற்று முன்தினம், மேளதாளத்துடன் பெண்கள் மாவிளக்கு எடுத்து வந்தனர். தொடர்ந்து, பொங்கல் வைக்கப்பட்டு, அம்மனுக்கு அபிஷேக, அலங்கார பூஜைகள் நடந்தன. அம்மன் சிறப்பு அலங்காரத்தில் பக்தர்களுக்கு அருள்பாலித்தார். சுற்று வட்டாரத்தை சேர்ந்த பகத்ர்கள் பலர் பங்கேற்று நேர்த்தி கடன் செலுத்தினர். விழா ஏற்பாடுகளை கோவில் கமிட்டியினர் செய்திருந்தனர்.