பட்டிவீரன்பட்டி: பத்திரகாளி அம்மன் கோயில் சித்திரை திருவிழா 3 நாட்கள் நடந்தது. கருப்பணசாமி பூஜை, பூசாரி அழைப்பு, புலி ஆட்டம், வான வேடிக்கை மேளதாளம் முழங்க அம்மன் கோயிலுக்கு அழைத்துவரப்பட்டார். மாவிளக்கு பூஜை பால்குடம் எடுத்து நேர்த்திக்கடன் செலுத்தப்பட்டது. ஊஞ்சல் அலங்காரத்தில் அம்மன் பக்தர்களுக்கு காட்சியளித்தார். குத்துவிளக்கு பூஜை நடந்தது. முளைப்பாரியுடன் அம்மன் ஊர்வலமாக பூஞ்சோலை சென்றடைந்தார். ஏற்பாடுகளை இந்து நாடார் உறவின்முறை சங்க நிர்வாகிகள் குழுவினர் செய்திருந்தனர்.