காரைக்கால்: காரைக்கால் கோவில்பத்து வேல்முருகன் கோவிலில் சித்ரா பௌர்ணமியை முன்னிட்டு பக்தர்கள் பால்குடம் ஊர்வலம் நடைபெற்றது.

காரைக்கால் மாவட்டத்தில் கோவில்பத்து காட்டுநாயக்கன் தெருவில் உள்ள ஸ்ரீவேல்முருகன் உடனமர் ஸ்ரீவள்ளிதெய்வானை கோவிலில் சித்ராபௌர்ணமி விழாவை முன்னிட்டு பால்குடம் ஊர்வலம் மதகடி அரசலாற்றிலிருந்து முக்கிய வீதிகள் மாதாகோவில்வீதி. பாரதியார் சாலை வழியாக பால்குடம் ஊர்வலம் கோவிலுக்கு சென்றது. பின்னர் வேல்முருகன். வள்ளிதெய்வானை உள்ளிட்ட சுவாமிகளுக்கு சிறப்ப அபிஷேகம் ஆராதனை நடைபெற்றது. இந்நிகழ்ச்சியில் வடக்கு தொகுதி எம்.எல்.ஏ..திருமுருகன் உள்ளிட்ட ஏராளான பக்தர்கள்,கிராமவாசிகள் பலர் கலந்துகொண்டனர்.