சிங்கம்புணரி: சிங்கம்புணரி சித்தர் முத்துவடுகநாதர் கோயிலில் பாலாபிஷேகத் திருவிழா நடந்தது.

200 ஆண்டுகளுக்கு முன்பு மன்னர் குடும்பத்தில் பிறந்து, இடம் பெயர்ந்து சிங்கம்புணரியில் மக்களோடு வாழ்ந்து பல்வேறு சித்துக்கள் மூலம் நன்மைகள் புரிந்தவர் சித்தர் முத்துவடுகநாதர். இவர் ஜீவசமாதி அடைந்த இடத்தில் கோயில் எழுப்பப்பட்டு வழிபாடு நடக்கிறது. இக்கோயிலில் சித்ரா பவுர்ணமியையொட்டி பாலாபிஷேகத் திருவிழா இன்று நடந்தது. சிங்கம்புணரி வணிகர் நலச்சங்கம் சார்பில் காலை 9:30 மணிக்கு சீரணி அரங்கம் அருகே இருந்து பால்குட ஊர்வலம் புறப்பட்டு கோயிலை அடைந்தது. ஐந்தாயிரத்துக்கும் மேற்பட்ட பக்தர்கள் கொண்டு வந்த பாலைக்கொண்டு மின்மோட்டார் மூலம் சித்தருக்கு பாலாபிஷேகம் செய்யப்பட்டது.