ஸ்ரீவில்லிபுத்தூர்; ஸ்ரீவில்லிபுத்தூர் மடவார்வளாகம் வைத்தியநாத சுவாமி கோயில் வைகாசி திருவிழா இன்று கொடியேற்றத்துடன் துவங்கியது. இதனை முன்னிட்டு காலை 9:00 மணிக்கு மேல் கோயிலில் சுவாமிக்கு ஹோமம் வளர்த்து,, சிறப்பு அர்ச்சனை, அபிஷேகங்கள் செய்து, கைலாச பட்டர் மற்றும் சுவாமிநாத பட்டர் கொடிபட்டம் ஏற்றினர். திரளான பக்தர்கள் சுவாமி தரிசனம் செய்தனர். விழா ஏற்பாடுகளை கோயில் செயல் அலுவலர் ஜவகர் தலைமையில் கோயில் பட்டர்கள் மற்றும் ஊழியர்கள் செய்திருந்தனர். இதனை தொடர்ந்து 10 நாட்கள் நடைபெறும் திருவிழாவில் தினமும் காலை பல்லக்கு சேவையும், இரவு வீதி புறப்பாடும் நடக்கிறது. மே 30 அன்று இரவு 7 மணிக்கு மேல் திருக்கல்யாணம், ஜீன் 1அன்று காலை 8:30 மணிக்குமேல் தேரோட்டம், ஜுன் 2 அன்று காலை வைகாசி விசாக சிறப்பு பூஜைகள் நடக்கிறது. தினமும் மாலை ஆன்மீக சிறப்பு நிகழ்ச்சிகள் நடக்கிறது.