புவனகிரி, மருதுார் வள்ளலார் அவதார இல்லத்தில் திருஅருட்பா இசை விழாவை முன்னிட்டு சன்மார்க்க கொடி ஏற்றப்பட்டது.

கடலுார் மாவட்டம், வடலுார் திரு அருட்பா இசை சங்கம் சார்பில், வள்ளலாரின் 38வது ஆண்டு திருஅருட்பா இசை விழா மற்றும் 157ம் ஆண்டு சத்திய தரும சாலை துவக்க விழா நேற்று துவங்கியது. அதனையொட்டி, நேற்று காலை மருதுார் வள்ளலார் அவதார இல்லத்தில் சன்மாக்க கொடி ஏற்றும் நிகழ்ச்சி நடந்தது. தொடர்ந்து வள்ளலாருக்கு அகவற்பா முற்றோதல் நிகழ்ச்சி, ஜோதி வழிபாடும் நடந்தது. தொடர்ந்து இன்று 26ம் தேதி, நாளை 27ம் தேதியும் வழிபாடு நடக்கிறது. தமிழகத்தின் பல்வேறு பகுதியில் இருந்து ஏராளமான வள்ளலார் பக்தர்கள் பங்கேற்றனர். பக்தர்களுக்கு அன்னதானம் மற்றும் சுடு தண்ணீர், தேங்காய் மற்றும் நட்டு சர்க்கரை பிரசாதம் வழங்கப்பட்டது.