மேலுர்: திருவாதவூர் திருமறைநாதர் கோயிலில் வைகாசி விழாவை முன்னிட்டு திருமறைநாதருக்கு திருக்கல்யாணம் நடைபெற்றது.

திருவாதவூர் திருமறைநாதர் வேதநாயகி அம்பாள் கோயில் வைகாசி மாத மாங்கொட்டை திருவிழா கடந்த மே 24ல் கொடியேற்றத்துடன் துவங்கியது. 11 நாட்கள் நடைபெறும் விழாவில் இன்று திருக்கல்யாணம் நடைபெற்றது. விழாவை முன்னிட்டு கோயிலில்  உள்ள திருக்கல்யாண மண்டபத்தில் திருமறைநாதர், பிரியாவிடை மற்றும் வேதநாயகி அம்பாளுக்கு திருக்கல்யாணம் நடைபெற்றது. அதனைத் தொடர்ந்து தீபாராதனைகள் நடைபெற்றது. பிறகு பக்தர்களுக்கு மஞ்சள், குங்குமத்துடன் பிரசாதம் வழங்கப்பட்டது. பெண்கள் புதிய மஞ்சள் கயிற்றில் தாலி அணிந்து கொண்டனர். பிறகு பக்தர்களுக்கு திருக்கல்யாண விருந்து வழங்கப்பட்டது. இந்நிகழ்ச்சியில் மேலூர் மற்றும் அதனை சுற்றி உள்ள பகுதிகளை சேர்ந்த ஆயிரத்திற்கும் மேற்பட்டோர் கலந்து கொண்டனர். நாளை (ஜூன் 1) தேரோட்டமும், ஜூன் 2 கொடி இறக்கத்துடன் வைகாசி திருவிழா நிறைவு பெறுகிறது.