சென்னை, வடபழநி ஆண்டவர் கோவில் வைகாசி விசாக விழாவை முன்னிட்டு ஏராளமான பக்தர்கள் காவடி எடுத்து நேர்த்திக்கடன் செலுத்தினர்.வடபழனி ஆண்டவர் வீதி உலா வந்து பக்தர்களுக்கு அருள் பாலித்தார்.

சென்னை, வடபழநி ஆண்டவர் கோவிலில், வைகாசி விசாக பிரம்மோற்சவமும், விடையாற்றி பெருவிழாவும் விமரிசையாக நடத்தப்படுவது வழக்கம். இந்த ஆண்டு வைகாசி விசாகப் பெருவிழா, இம்மாதம் 24ம் தேதி கொடியேற்றத்துடன் துவங்கியது. ஜூன் 3ம் தேதி வரை வைகாசி விசாகப் பெருவிழாவும், ஜூன் 4ம் தேதி முதல் 13ம் தேதி வரை, விடையாற்றி திருவிழாவும் நடைபெற உள்ளன. வைகாசி விசாகத்தை முன்னிட்டு இன்று காலை முதல் ஏராளமான பக்தர்கள் காவடி, பால்குடம் எடுத்து நேர்த்திக்கடன் செலுத்தினர். வைகாசி விசாகத்தை யொட்டி ஏராளமான பக்தர்கள் குவிந்ததால் வரிசையில் காத்திருந்து தரிசனம் செய்தனர். நாளை 3ம் தேதி இரவு 7:00 மணிக்கு, புஷ்ப பல்லக்கு வீதியுலா புறப்பாடும் நடைபெற உள்ளது.