காரைக்குடி: குன்றக்குடி சண்முகநாதப் பெருமான் கோயில் விசாக விழா இன்று நடந்தது. இன்று காலை கோயிலில் இருந்து சண்முகநாதப் பெருமான் வெட்டிவேர் திருக்கோலத்துடன் ஆதீனத் திருமடத்திற்கு எழுந்தருளினார். மடத்தில் குன்றக்குடி பொன்னம்பல அடிகளார் வரவேற்பு செய்தார். தொடர்ந்து, கவிஞர் அறுவர் வரவேற்பு தமிழ் மாலை நிகழ்ச்சி நடந்தது. தொடர்ந்து திருமுழுகாட்டல், பச்சை சாத்தப்படியும் பூசையும் . காலை மற்றும் மாலையில் நாதஸ்வர இன்னிசை நிகழ்ச்சி நடந்தது. தொடர்ந்து மாலை 6 மணிக்கு பாராட்டு விழா நடந்தது. இதில், மாசிலாமணி ஓதுவார் இறை வணக்கம் செய்தார். சேதுபதி வரவேற்றார். குன்றக்குடி பொன்னம்பல அடிகளார் பாராட்டு விழாவிற்கு தலைமையேற்று பேசினார். விழாவில் சிங்கப்பூர்வாழ் ஸ்ரீலட்சுமிக்கு செந்தமிழ்த்திலகம் என்னும் , கவிஞர் அரு. நாகப்பனுக்கு கவிஞர்கோ பட்டமும், தேவகோட்டை முத்தையா தேசிகருக்கு பொற்கிழி வழங்கி பாராட்டு விழா நடந்தது.