காரைக்குடி: காரைக்குடி அருகேயுள்ள அரியக்குடி திருவேங்கடமுடையான் கோயில் நிகழ்ச்சியான தேர்த் திருவிழா நடந்தது.

காரைக்குடி அருகேயுள்ள தென்திருப்பதி என்று அழைக்கப்படும் திருவேங்கடமுடையான் கோயில் வைகாசி திருவிழா கடந்த மே 27 ஆம் தேதி கொடியேற்றத்துடன் தொடங்கியது. தொடர்ந்து, சிம்ம, ஹனுமந்த, கருட யானை, குதிரை உள்ளிட்ட பல்வேறு வாகனங்களில் சுவாமி எழுந்தருளும் நிகழ்ச்சியும் நடந்தது. வைகாசித் திருவிழாவின் முக்கிய நிகழ்ச்சியான தேர்த்திருவிழா நடந்தது. முன்னதாக காலை ஸ்ரீதேவி பூதேவியுடன் திருவேங்கடமுடையான் சிறப்பு அலங்காரத்தில் தேருக்கு எழுந்தருள நிகழ்ச்சி நடந்தது. பக்தர்கள் அர்ச்சனை செய்து வழிபட்டனர். தொடர்ந்து மாலையில் நடந்த தேரோட்ட நிகழ்ச்சியில் பக்தர்கள் வடம் பிடித்து இழுக்க தொடங்கி, தேரோடும் வீதிகள் வழியாக வலம் வந்து தேர் நிலையை அடைந்தது. நிகழ்ச்சி ஏற்பாடுகளை பரம்பரை அறங்காவலர் அடைக்கமை, செயல் அலுவலர் விநாயகவேல் செய்து வருகின்றனர்.