சிங்கம்புணரி: சிங்கம்புணரி அருகே மருதிப்பட்டி மருது அய்யனார் கோயில் புரவியெடுப்பு நடந்தது. மழைவேண்டி நடத்தப்பட்ட இத்திருவிழாவை முன்னிட்டு கிராமத்தினர் சார்பில் மே 19 ல் பிடிமண் கொடுக்கப்பட்டது. சதுர்வேதமங்கலத்தில் வைத்து 2 அரண்மனை புரவிகள், 9 நேர்த்திக்கடன் புரவிகள் செய்யப்பட்டது. ஜூன் 1ல் மருதிப்பட்டி புரவி பொட்டலுக்கு புரவிகள் எடுத்துவரப்பட்டது. ஜூன் 2 ம் தேதி புரவிகள் அலங்கரிக்கப்பட்டு கிராம கச்சேரி திடலுக்கு எடுத்துவரப்பட்டது. அங்கு சிறப்பு வழிபாடுகள் நடத்தப்பட்டது. நேற்று மாலை 5:00 மணிக்கு சாமியாடிகள் அருள்வாக்கு கூறியதை தொடர்ந்து அங்கிருந்து ஊர்வலமாக மருது அய்யனார் கோயிலுக்கு எடுத்துச்செல்லப்பட்டன. ஏராளமான பக்தர்கள பங்கேற்றனர்.