உடுமலை;கொங்கலக்குறிச்சி ஸ்ரீ கன்னிமார், ஸ்ரீ குட்டை கருப்பராயன் கோவில் கும்பாபிஷேகம் நேற்று நடந்தது.

உடுமலை அருகே கொங்கலக்குறிச்சியில், ஸ்ரீ கன்னிமார், ஸ்ரீ கருப்பராயன் கோவில் கும்பாபிஷேக விழா, கடந்த, 23ம் தேதி துவங்கியது. நேற்று காலை, 7:00 மணிக்கு, மூன்றாம் கால யாக பூஜை துவங்கியது. காலை, 9:00 மணி முதல் 10:30 மணிக்குள், கோபுர விமான கலச கும்பாபிஷேகம் நடந்தது. தொடர்ந்து, தீபாராதனை, சிறப்பு பூஜை நடந்தது. பக்தர்களுக்கு அன்னதானம் வழங்கப்பட்டது. இந்நிகழ்ச்சியில், கொங்கலக்குறிச்சி மற்றும் சுற்றுப்புற கிராமங்களிலிருந்து, திரளான பக்தர்கள் கலந்து கொண்டு சுவாமிகளை வழிபட்டனர்.