திருநகர்: திருநகர் சிந்தி விநாயகர் கோயிலில் புரட்டாசி முதல் சனிக்கிழமையை முன்னிட்டு தனி சன்னதியில் எழுந்தருளியுள்ள ஸ்ரீதேவி பூமாதேவி சமேத ஸ்ரீநிவாச பெருமாளுக்கு 200 கிலோ பூக்களால் புஷ்பாங்கி அங்காரம் நடந்தது‌. மாலையில் உற்சவர்களுக்கு சிறப்பு அபிஷேகங்களும், அர்ச்சனை முடிந்து ஊஞ்சலில் எழுந்தருளி அருள்பாலித்தனர். திருநகர் மகாலட்சுமி நெசவாளர் காலனி வரசிக்தி விநாயகர் கோயில், பெருந்தேவி தாயார் சமேத பிரசன்ன வரதராஜ பெருமாள் கோயில் மூலவருக்கு திருப்பதி அலங்காரமும், அங்கப்பிரதட்சணம் நடந்தது. மாலையில் உற்சவர் பரமபதநாதர் அலங்காரத்தில் அருள் பாலித்தார். திருப்பரங்குன்றம் வீர ஆஞ்சநேயர் சுவாமி கோயிலில் காலையில் யாகசாலை பூஜை முடிந்து மூலவருக்கு தங்க கவசம் சாத்துப்படியானது. தங்க கவச அலங்காரத்தில் திருப்பரங்குன்றம் கைத்தறி நகர் ஸ்ரீதேவி, பூதேவி சமேத பாலாஜி வெங்கடேஸ்வர பெருமாள் அருள்பாலித்தார். இதில் திரளான பக்தர்கள் கலந்து கொண்டனர்.