மயிலாடுதுறை: திருக்கடையூர் கோயிலில் ஹிந்து சமய அறநிலையத்துறை அமைச்சர் சேகர்பாபு சஷ்டியப்தபூர்த்தி விழா நடைபெற்றது.

மயிலாடுதுறை மாவட்டம் தரங்கம்பாடி தாலுக்கா திருக்கடையூரில் தருமபுரம் ஆதீனத்திற்கு சொந்தமான அபிராமி அம்பாள் சமேத அமிர்தகடேஸ்வரர் கோவில் அமைந்துள்ளது. இத்தலத்தில் பக்தர்கள் சிறப்பு ஹோமம் செய்து சுவாமி, அம்பாளை வழிபட்டால் நீண்ட ஆயுள் கிடைக்கும் என்பது ஐதீகம். இத்தகைய சிறப்பு மிக்க கோவிலில் இன்று(அக்.,07) தமிழக ஹிந்து சமய அறநிலையத்துறை அமைச்சர் சேகர்பாபுவுக்கு 60 வயது பூர்த்தி அடைந்து 61வது வயது துவங்குவதை முன்னிட்டு சஷ்டியப்த பூர்த்தி விழா எனப்படும் மணிவிழா நடைபெற்றது. கோவிலுக்கு வந்த சேகர் பாபு, அவரது மனைவி சாந்திக்கு கோவில் நிர்வாகம் சார்பில் பூரண கும்பம் மரியாதை கொடுத்து வரவேற்பு அளிக்கப்பட்டது. சிவாச்சாரியார்கள் வேத மந்திரங்கள் ஓத, மங்கள வாத்தியங்கள் முழங்க அமைச்சர் சேகர்பாபு மனைவி சாந்திக்கு திருமாங்கல்யம் அணிவித்தார்.