திருப்பதி; திருமலை திருப்பதியில் மலையப்ப சுவாமி பெரிய சேஷ வாகனத்தில் சிறப்பு அலங்காரத்தில் வீதி உலா வந்து பக்தர்களுக்கு அருள் பாலித்தார்.

நாக தேவதைகளை வழிபடும் நகுல சவிதியை முன்னிட்டு நகுல சவிதி தினத்தை முன்னிட்டு நேற்று, வெள்ளிக்கிழமை இரவு மலையப்பசுவாமி ஸ்ரீதேவி, பூதேவியுடன் பெரிய சேஷ வாகனத்தில் உலா வந்து பக்தர்களுக்கு தரிசனம் அளித்தார். இரவு 7 மணி முதல் திருமாட வீதிகளில் சுவாமியை திரளான பக்தர்கள் தரிசனம் செய்தனர். விழாவில் ஸ்ரீவாரி கோயில் லோகநாதம், ஜெகன்மோகன் ரெட்டி, சுகாதார அலுவலர் டாக்டர் ஸ்ரீதேவி, பேஷ்கர் ஸ்ரீ ஸ்ரீஹரி உள்ளிட்ட அதிகாரிகள் பங்கேற்றனர்.