ஐதராபாத்: ஸ்ரீராம நவமியை முன்னிட்டு, பத்ராச்சலத்தில் நேற்று ராமர் சீதா தேவி திருக்கல்யாணம் சிறப்பாக நடைபெற்றது. இதில் தெலுங்கானா மற்றும் ஆந்திராவை சேர்ந்த பக்தர்கள் திரளாக கலந்து கொண்டனர். விழாவில் தலைமைச் செயலாளர் ஏ.சாந்தி குமாரி, ஸ்ரீராமர் மற்றும் சீதாதேவிக்கு பட்டு வஸ்திரம் வழங்கினார். இந்நிகழ்ச்சியில் துணை முதல்வர் மல்லு பாட்டி விக்ரமார்கா மற்றும் அமைச்சர்கள் பொங்குலேட்டி ஸ்ரீனிவாஸ் ரெட்டி மற்றும் கொண்டா சுரேகா ஆகியோரும் கலந்து கொண்டனர். கொளுத்தும் வெயிலையும் பொருப்படுத்தாமல் தெலுங்கானா மற்றும் ஆந்திராவில் இருந்து ஏராளமான பக்தர்கள் விழாவில் கலந்து கொண்டனர். திருக்கல்யாண விழாவை பக்தர்கள் நேரில் காணும் வகையில் தனி எல்இடி திரைகளும் அமைக்கப்பட்டிருந்தன. மிதிலா ஸ்டேடியத்தில் பக்தர்களுக்கு இலவச உணவு மற்றும் இலவச குடிநீர், மோர் வழங்கப்பட்டது.