மதுரை; மதுரை சித்திரை திருவிழாவின் முக்கிய நிகழ்வான அழகர் வைகையில் இறங்கும் நிகழ்வு நாளை (ஏப்., 23) அதிகாலை 5:51 மணிக்கு மேல் காலை 6:10 மணிக்குள் தங்கக்குதிரை வாகனத்தில் வைகை ஆற்றில் எழுந்தருள்கிறார். இது குறித்து மதுரை சித்திரை திருவிழா முன்னேற்பாடு திருப்தி அளிப்பதாக ஐகோர்ட் கருத்து தெரிவித்துள்ளது. நாளை (ஏப்.,23) கள்ளழகர் வைகையில் இறங்கும் இடத்தில் விஐபிகளுக்கு 2400 பாஸ் வழங்கப்பட்டுள்ளது.  ஒரு பாஸ்க்கு ஒருவர் மட்டுமே அனுமதி; கூடுதலாக யாரையும் அனுமதிக்க கூடாது என உத்தரவிடப்பட்டுள்ளது. பாரம்பரிய முறையில் தோல் அல்லது கை பம்புகள் மூலம் மட்டுமே தண்ணீர் தெளிக்க வேண்டும். பவர் பம்புகள் மூலம் தண்ணீர் தெளித்தால் போலீசார் நடவடிக்கை எடுக்கவும் ஐகோர்ட் கிளை உத்தரவிட்டுள்ளது.