சோழவந்தான்; குருவித்துறை குருபகவான் கோயிலில் குரு பெயர்ச்சியை முன்னிட்டு இன்று (ஏப்.,29) லட்சார்ச்சனை துவங்கியது.

மே 1 மாலை 5:21 மணிக்கு மேல் குரு பகவான் மேஷ ராசியில் இருந்து ரிஷப ராசிக்கு இடபெயர்ச்சியாகிறார். இதை முன்னிட்டு அனைத்து ராசிக்காரர்களுக்கும் பரிகார பூஜையாக கோயிலில் குரு பெயர்ச்சியை முன்னிட்டு இன்று லட்சார்ச்சனை துவங்கியது. இங்குள்ள சித்திர ரத வல்லபபெருமாள் கோயில் முன் சுயம்புவாக குருபகவான் சன்னதி உள்ளது. காலை 10:00 மணிக்கு பட்டர்கள் பாலாஜி என்ற சடகோபன், ஸ்ரீதர், கோபால், ராஜா குழுவினரால் குரு பகவானுக்கு மலர்களால் அர்ச்சனை நடந்தது. மே 1 மதியம் 12:00 மணிக்கு லட்சார்ச்சனை முடிகிறது. மே 1 மாலை 3:00 மணிக்கு பரிகார யாகசாலை பூகைகள் துவங்கி நடைபெற உள்ளது. 5:21 மணிக்கு மேல் குரு பகவான் மேஷம் ராசியில் இருந்து ரிஷபம் ராசிக்கு இடப்பெயர்ச்சியாகிறார். ஏற்பாடுகளை கோயில் நிர்வாக அதிகாரி கார்த்திகைசெல்வி மற்றும் பணியாளர்கள் செய்கின்றனர்.