அன்னூர்; அன்னூர் மன்னீஸ்வரர் கோவிலில் குரு பெயர்ச்சி விழா வரும் மே 1ம் தேதி நடக்கிறது. பழமையான அன்னூர் மன்னீஸ்வரர் கோவிலில், குரு பெயர்ச்சி விழா வருகிற மே 1ம் தேதி நடக்கிறது. மாலை 4:30 மணிக்கு, கணபதி ஹோமம் மற்றும் நவகிரக ஹோமம் நடக்கிறது. இதையடுத்து, அபிஷேக பூஜையும், குரு பகவான் உட்பிரகாரத்தில் உலா வருதலும் நடக்கிறது. மாலை 5 மணி 19 நிமிடத்திற்கு குரு பகவான் மேஷ ராசியில் இருந்து, ரிஷப ராசிக்கு பிரவேசிக்கிறார். இதையடுத்து மகா தீபாராதனை நடக்கிறது. குரு பெயர்ச்சி விழாவில் பங்கேற்று இறையருள் பெற கோவில் நிர்வாகிகள் அழைப்பு விடுத்துள்ளனர்.