சாணார்பட்டி, சாணார்பட்டி அருகே கன்னியாபுரத்தில் காவல்காரர் சாமி கும்பிடு விழாவில் நடந்த ஆண்கள் மட்டுமே பங்கேற்ற அன்னதான விழாவில் ஏராளமானோர் கலந்து கொண்டனர்.

கன்னியாபுரம் காவல் காரன் சாமி கும்பிடு விழாவில் ஆண்கள் மட்டுமே பங்கேற்பது வழக்கம். விழாவையொட்டி நேற்று இரவு சாமிக்கு சிறப்பு பூஜை செய்யப்பட்டது. தொடர்ந்து 10 இருக்கும் மேற்பட்ட கிடாய்கள் நள்ளிரவில் வெட்டப்பட்டு பெரிய பாத்திரங்களில் சாதம்,கறிகுழம்பு தயார் செய்யப்பட்டது.இதில் அதிகாலையில் கன்னியாபுரம் கிராமத்தை சேர்ந்த 500 க்கும் மேற்பட்ட ஆண்கள் மட்டுமே பங்கேற்று வரிசையாக பந்திகளில் அமர்ந்து வாழை இலையில் பரிமாறப்பட்ட கறிவிருந்தை சாப்பிட்டனர்.