பழநி; பழநி பெரியநாயகி அம்மன் கோயில் ஆடி முதல் நாளான இன்று லட்சார்ச்சனை துவங்கியது.

பழநி முருகன் கோயிலின் நிர்வாகத்தின் கட்டுப்பாட்டில் உள்ள பெரியநாயகி அம்மன் கோயிலில் ஆண்டுதோறும் ஆடி மாதம் லட்சார்ச்சனை நிகழ்ச்சி நடைபெறும். இன்று (ஜூலை.17,)ஆடி மாதம் முதல் நாளில் பெரியநாயகியம்மன் கோயிலில் சாய்ரட்சை பூஜையில் லட்சார்ச்சனை துவங்கியது. இந்நிகழ்ச்சி ஆக., 10 வரை தொடர்ந்து நடைபெறும். மேலும் ஜூலை 19 பெரிய நாயகி அம்மனுக்கு முத்தங்கி அலங்காரம், ஜூலை 26 இல் மீனாட்சி அலங்காரம், ஆக., 2ல் சந்தன காப்பு அலங்காரம், ஆக 11-ல் ஆடி லட்சார்ச்சனை கேள்வி நடைபெறும்.ஆக., 16 இல் தங்க கவச அலங்காரம் நடைபெறும். அதன்பின் வெள்ளித்தேரில் சுவாமி புறப்பாடு நடைபெறும். என கோயில் நிர்வாகம் தெரிவித்துள்ளது.

*பழநி கலையம்புத்தூர் அக்ரஹாரம் ஸ்ரீ கைலாசநாதர், கல்யாணி அம்மன் கோயிலில் ஆடி லட்சார்ச்சனை விழா இன்று காலை துவங்கியது. ஆடி மாதம் முழுவதும் மாலையில் சிறப்பு அபிஷேகம் அலங்காரம் அம்மனுக்கு நடைபெற உள்ளது.