மேலுார்;  அரிட்டாபட்டி, அதியங்கூட்டத்தினர் ஒன்பது ஆண்டுகளுக்குப் பிறகு குல தெய்வங்களை வழிபடும் ஆடி மாத களரி உற்சவ திருவிழாவை கொண்டாடினர்.

இவ்விழாவை முன்னிட்டு ஜூலை 12 முதல் பக்தர்கள் விரதம் இருந்தனர். ஜூலை 16 அழகர்கோயிலுக்கு சென்று தீர்த்தம் ஆடினர். இன்று (ஜூலை 17) சூளைமேடு பொட்டலில் இருந்து பெண்கள் ஓலை பெட்டியில் சுவாமி கும்பிடுவதற்கு உரிய பூஜை பொருட்களையும், அதியங்கூட்டத்தினரால் செய்யப்பட்ட ஒரு புரவியை சுமந்து கட்டக்குடுமி அய்யனார் கோயிலுக்கு கொண்டு சென்றனர். நாளை  (ஜுலை 18) தர்மம் ஊருணியில் தீர்த்தமாடிய பிறகு நேர்த்திக்கடன் வேண்டி கிடைக்கப் பெற்றவர்கள் செலுத்திய 50 கிடா மற்றும் 200 கோழி வெட்டி பொங்கல் வைக்கப்படும். பிறகு மக்களுக்கு கறி விருந்து வழங்குவர். ஜூலை 19ல் கோயில் வீடு முன்பு பனியாரம் சுட்டு, சைவ உணவு சமைத்து மக்களுக்கு அன்னதானம் வழங்குவர். ஜூலை 20ல் களரி உற்சவ விழாவில் கலந்து கொண்ட உறவினர்களுக்கு மரியாதை செய்யும் நிகழ்ச்சியை (பெட்டி கட்டும் நிறைவு விழா) என்ற நிகழ்ச்சியுடன் திருவிழா நிறைவு பெறும். இவ் உற்சவ விழாவிற்கான ஏற்பாட்டினை அதியங்கூட்டத்தினர் செய்திருந்தனர்.