வத்திராயிருப்பு; சதுரகிரி சுந்தர மகாலிங்கம் கோயிலில் ஆடி மாத பிரதோஷம், பவுர்ணமி வழிபாட்டை முன்னிட்டு ஜூலை 19 முதல் நான்கு நாட்கள் பக்தர்கள் சுவாமி தரிசனம் செய்ய அனுமதிக்கப்படுவார்கள் என கோயில் நிர்வாகம் தெரிவித்துள்ளது. இக்கோயிலில் ஜூலை 19ல் பிரதோஷம், 21ல் பவுர்ணமி வழிபாடு நடக்கிறது. இதனை முன்னிட்டு ஜூலை 19 முதல் ஜூலை 22 வரை நான்கு நாட்கள் தினமும் காலை 6:30 மணி முதல் மதியம் 12:00 மணி வரை பக்தர்கள் அனுமதிக்கப்பட உள்ளனர். கோயிலுக்கு வரும் பக்தர்கள் எளிதில் தீப்பற்றும் பொருட்கள், பிளாஸ்டிக் பாட்டில்களை கொண்டு வருவதையும், பயன்படுத்திய பின்னர் அதனை மலைப்பகுதியில் வீசுவதையும் தவிர்க்கும்படி வனத்துறையினர் அறிவுறுத்தியுள்ளனர்.