சென்னை; தமிழக சுற்றுலா வளர்ச்சி கழகத்தின் சார்பில், ஆடிமாதத்தில் அம்மன் கோவில்களில் ஒருநாள் சுற்றுலா திட்டம் செயல் படுத்தப்படுகிறது. இத்திட்டம், வடசென்னை, தென் சென்னை என இரண்டாக பிரிக்கப்பட்டுள்ளது. தென்சென்னைசுற்றுலா திட்டத்தில், மயிலாப்பூர் கற்பகாம்பாள், முண்டகக்கண்ணியம்மன், தி.நகர் முப்பாத்தம்மன், சைதாப்பேட்டை பிடாரி இளங்காலியம்மன், பெசன்ட் நகர் அஷ்டலட்சுமி, மாங்காடு காமாட்சி அம்மன், திருவேற்காடு கருமாரியம்மன், ஆகிய கோவில்களில், தரிசனம் செய்யும் வகையில் செயல்படுகிறது. வடசென்னை திட்டத்தில், பாரிமுனை காளிகாம்பாள், திருவொற்றியூர் வடிவுடையம்மன், பெரியபாளையம் பவானி அம்மன் ஆகிய கோவில்களில் தரிசனம் செய்யும் வகையில் வடிவமைக்கப்பட்டுள்ளது. இந்த திட்டங்களுக்கு, தென் சென்னைக்கு 800 ரூபாய், வடசென்னைக்கு 1,000 ரூபாய் கட்டணம் நிர்ணயிக்கப் பட்டுள்ளது.