பெருமாளுக்கு உகந்த புதன் கிழமையில் ஏகாதசி வருவது சிறப்பு மிக்கது. அஸ்வமேத யாகம் செய்த பலனை ஏகாதசி விரதத்தால் பெற முடியும். முப்பத்து முக்கோடி தேவர்களும் அனுசரிக்கும் விரதம் இது. வீட்டில் விளக்கேற்றி விஷ்ணுவை வழிபட வேண்டும். ஆடிமாதம் தேய்பிறை ஏகாதசியை மோகினி என்பர். பொதுவாகவே, போகிகளாக இருக்கும் நமக்கு அதற்கு மேலான யோக நிலையை அடைந்திட அருளும் நாள். உபநிடதங்களின் சாரமாக விளங்குவது பகவத்கீதை. கிருஷ்ணர் அர்ஜூனனுக்கு கீதையை உபதேசித்த நாள் ஏகாதசியன்று தான். விஷ்ணு சஹஸ்ரநாமம் சொல்லி பெருமாளை வழிபடுதல் சிறப்பு. இன்று பெருமாளுக்கு துளசி சாற்றி பெருமாளை வழிபட துன்பம் யாவும் நீங்கும்.