தேவகோட்டை; தேவகோட்டை காசுக்கடைவீதி முத்துமாரியம்மன் கோவில் ஆடித்திருவிழா கடந்த 5 ந்தேதி காப்புக் கட்டுதலுடன் தொடங்கியது. தினமும் சிறப்பு ஹோமம், சிறப்பு அலங்காரம் செய்யப்பட்டு சிறப்பு பூஜைகள் நடந்து வருகின்றன. ஆடி வெள்ளியன்று பெண்கள் விளக்கேற்றி அம்மனுக்கு விளக்கு பூஜை செய்து வழிபட்டனர். ஒரு வாரம் அம்மனுக்கு லட்சார்ச்சனை நடைபெற்று நேற்று நிறைவு பெற்று சிறப்பு பூஜைகள் நடந்தன. எட்டாம் நாளான நேற்று உலக நன்மைக்காக வேண்டி சிறப்பு ஹோமங்களை தொடர்ந்து அம்மனுக்கு 1008 சங்காபிஷேகம் நடைபெற்றது. ஏராளமான பக்தர்கள் பங்கேற்று சுவாமி தரிசனம் செய்தனர்.