கொட்டாம்பட்டி; சொக்கலிங்கபுரத்தில் துபராள்பதி அம்மன் கோயில் ஆடி மாத திருவிழாவை முன்னிட்டு இன்று பக்தர்கள் பால்குடம் எடுத்தனர். ஜூலை 30 முதல் பக்தர்கள்காப்பு கட்டி 15 நாட்கள் விரதமிருந்தனர். இன்று மணல்மேட்டுப்பட்டி விநாயகர் கோயிலில் இருந்து நேர்த்திக்கடன் வேண்டி கிடைக்கப் பெற்ற பக்தர்கள் பால்குடம் எடுத்து 3 கி.மீ., துாரம் ஊர்வலமாக கோயிலை வந்தடைந்தனர். அங்கு பக்தர்கள் கொண்டு வந்த பாலை கொண்டு அம்மனுக்கு பாலாபிஷேகம் நடந்தது. அதனைத் தொடர்ந்து கிடா வெட்டி பொங்கல் வைக்கப்பட்டது. பிறகு அம்மன் தேரில் உலா வந்து பக்தர்களுக்கு அருள்பாலித்தார். சிவகங்கை, திண்டுக்கல் உள்ளிட்ட பல்வேறு மாவட்டங்களில் இருந்து பத்தாயிரத்திற்கும் மேற்பட்ட பக்தர்கள் கலந்து கொண்டனர்.