நாகர்கோவில்; சுசீந்திரம் தாணுமாலய சுவாமி கோவிலில் தேரோட்டத்தில் திரளான பக்தர்கள் சுவாமி தரிசனம் செய்தனர். 

கன்னியாகுமரி மாவட்டம் சுசீந்திரம் தாணுமாலய சுவாமி கோயிலில் ஆவணி திருவிழா செப்.,9ம் காலை கொடியேற்றத்துடன் தொடங்கியது. இக்கோயில் உட்பிரகாரத்தில் அமைந்துள்ள திருவேங்கட விண்ணவ பெருமாளுக்கு எல்லா ஆவணி மாதமும் 10 நாட்கள் திருவிழா நடக்கிறது. இந்தாண்டு திருவிழாவுக்கான கொடியேற்றம் செப்.,9ல் நடைபெற்றது. விழா நடக்கும் பத்து நாட்களும் தினமும் அதிகாலை திருவேங்கட விண்ணப்ப பெருமாளுக்கு பால், தயிர், சந்தனம், இளநீர், உள்ளிட்ட பொருட்களால் அபிஷேகம், அலங்காரம், தீபாராதனை நடைபெற்றது. தினமும் காலை மாலை திருவேங்கட விண்ணப்ப பெருமாள் அலங்கரிக்கப்பட்ட வாகனங்களில் பவனி வருவார். ஒன்பதாம் நாள் விழாவான நேற்று செப்., 17 தேரோட்டம் நடைபெற்றது. ஏராளமான பக்தர்கள் கலந்து கொண்டு தேரை வடம் பிடத்து, சுவாமியை வழிபட்டனர்.