மேட்டுப்பாளையம்; பாட்டிலில் அடைக்கப்பட்ட புனிதமான கங்கை தீர்த்தம், மேட்டுப்பாளையம் அஞ்சல் அலுவலகத்தில் விற்பனை செய்யப்படுகிறது.

மேட்டுப்பாளையம் காரமடை சாலையில், தலைமை அஞ்சல் அலுவலகம் உள்ளது. இங்கு தபால் அட்டை விற்பனை, தபால், பார்சல் அனுப்புதல், பணம் போடுதல், எடுத்தல், டெபாசிட் செய்தல், மற்றும் ஆதார் அட்டை புதிதாக எடுத்தல், திருத்தம் செய்தல் என பல்வேறு பணிகள் நடைபெறுகின்றன. மேலும், 250 மில்லி லிட்டர் கொண்ட பாட்டிலில் அடைத்த கங்கை புனித தீர்த்தம், மேட்டுப்பாளையம் அஞ்சல் அலுவலகத்தில் விற்பனைக்காக வைக்கப்பட்டுள்ளது. அஞ்சல் அலுவலகத்தில் கங்கை தீர்த்தம் விற்பனையை துவக்கி வைத்த, அஞ்சல் அலுவலர் நாகஜோதி கூறுகையில், ‘‘பொதுமக்களின் வசதிக்காக, கங்கை தீர்த்தம் பாட்டில்கள், அஞ்சல் அலுவலகத்தில் விற்பனைக்காக வைக்கப்பட்டுள்ளன. ஒரு பாட்டிலின் விலை, 30 ரூபாய்,’’ என்றார்.