திருப்பதி; காளஹஸ்தி சிவன் கோயிலில் சோமவாரத்தை திங்கட்கிழமையையொட்டி, நேற்று நரின் மையப்பகுதியில் உள்ள வைணவ குளத்தில் ஸ்ரீகாளஹஸ்தி சிவன் கோயில் சார்பில் லட்ச தீபாராதனை சிவன் கோயில் செயல் அலுவலர் பாபிரெட்டி தலைமையில் நடைபெற்றது. 

முன்னதாக தெலுங்கு பெண் பக்தர்கள் காலை முதல் கோயில் வளாகத்தில் சிறப்பு ஏற்பாடு செய்யப்பட்டுள்ள பகுதியில் மாவிளக்கேற்றியும், நெய் தீபங்கள் ஏற்றியும் சிறப்பு வழிபாடு நடத்தி சாமி தரிசனம் செய்தனர். தொடர்ந்து மாலை வேளையில் பிரதோஷ கால நேரத்தில் மாலை 5 மணி முதல் கோயில் சார்பில் ஏற்பாடு செய்யப்பட்டிருந்த வைனவ குளத்தில் நெய் தீபங்கள் ஏற்றி வழிப்பட்டனர். இந்த ஆண்டு( தெலுங்கு ) கார்த்திகை மாதத்தில் வாயுலிங்கேஷ்வரர் சுயம்புவாக வீற்றிருக்கும் காளஹஸ்தீஷ்வரருக்கு நகர் முழுவதும் தீபம் ஏற்ற கோயில் நிர்வாகம் ஏற்பாடு செய்ததை அடுத்து காளஹஸ்தி ஜெயராம ராவ் வீதியில் உள்ள வைணவ குளத்தில் திங்கட்கிழமை மாலை ஐந்து மணி முதல் 6 மணி வரை  லட்ச தீபங்கள் ஏற்றி வழிபாடு செய்யப்பட்டது. விழாவில் ஏராளமான பக்தர்கள் கலந்து கொண்டு தீபம் ஏற்றி வழி பட்டனர்.