உடுமலை; கோமங்கலம்புதுார் வித்யநேத்ரா மெட்ரிக் மேல்நிலைப்பள்ளி மாணவர்கள், கோவை ராமாயண பூங்காவிற்கு களப்பயணம் அழைத்து செல்லப்பட்டனர். கோமங்கலம்புதுார் வித்யநேத்ரா மெட்ரிக் மேல்நிலைப்பள்ளியில், ஒன்று முதல் ஐந்தாம் வகுப்பு வரை உள்ள மாணவர்கள், கோவை, பெரியநாயக்கன்பாளையத்தில் உள்ள ராமாயண பூங்காவிற்கு களப்பயணம் சென்றனர். பயணத்தில் ராமகிருஷ்ண பரமஹம்சர் கோவில், ராமகிருஷ்ண பூங்காவிற்கு சென்றனர். அங்கு ராமர் விஷ்ணுவாக அவதாரம் எடுத்தது குறித்து மாணவர்களுக்கு விளக்கமளிக்கப்பட்டது. தொடர்ந்து பூங்காவில் உள்ள ராமாயணத்தில் இடம் பெறும் புத்திரயாகம், தடாகையின் உருவம், சுயம்வரம், வனவாசம் குறித்த படைப்புகளை கண்டு மகிழ்ந்தனர். தொடர்ந்து மாணவர்கள் களப்பயணம் குறித்து கருத்துகளை பகிர்ந்து கொண்டனர்.