பழநி; பழநி, பெரியநாயகி அம்மன் கோயிலில் தைப்பூச திருவிழாவிற்கான புது தேர் ரூ.46 லட்சத்தில் புனரமைக்கப்பட்டு வெள்ளோட்டம் விடப்பட்டது.

பழநி, பெரியநாயகி அம்மன் கோயிலில் கடந்த ஆண்டுகளுக்கு முன் தைப்பூச தேரை புனரமைத்து பூதப்பார், சமாதானம், தேவர்ஸ்தானம், யாழி, குதிரை, துவார பாலகர்கள், பிரம்மா உள்ளிட்டவை வடிவமைக்கப்பட்டு வண்ணம் பூசப்பட்டு பொருத்தப்பட்டது. இலுப்பை மரத்தில் தேர் ரூ.46 லட்சம் செலவில் வடிவமைக்கப்பட்டது. புது தேர் பிரதிஷ்டை செய்யப்பட்டு வெள்ளாட்டம் விட நேற்று முன்தினம்(ஜன.26) முதற்கால வேள்வி துவங்கப்பட்டது. நேற்று அதிகாலை இரண்டாம் கால வேள்வி துவங்கியது காலை ஆறு முப்பது மணிக்கு திருகுட ஞான உலா நடைபெற்றது. அதன் பின் காலை 9:45 வடம் பிடிக்கப்பட்டது. கோயில் யானை கஸ்தூரி பின்னே வர ரத வீதிகளில் பொது தேர் வெள்ளோட்டம் விடப்பட்டது. மீண்டும் நிலைக்கு காலை 11:20 க்கு வந்து சேர்ந்தது. புது தேர் வெள்ளோட்ட நிகழ்ச்சியில் ஹிந்து சமய அறநிலையத்துறை அமைச்சர் சேகர்பாபு, உணவு மற்றும் உணவுப் பொருள் பாதுகாப்புத் துறை அமைச்சர் சக்கரபாணி, திண்டுக்கல் எம்.பி., சச்சிதானந்தம், அறநிலையங்கள் துறை முதன்மைச் செயலாளர் சந்திரமோகன், திண்டுக்கல் கலெக்டர் பூங்கொடி, ஹிந்து சமய அறநிலையத்துறை கூடுதல் ஆணையர் சுகுமாரன், திண்டுக்கல் எஸ்.பி., பிரதீப், கோயில் இணை கமிஷனர் மாரிமுத்து, கோயில் அறங்காவலர்கள் குழு தலைவர் சுப்பிரமணியன் மற்றும் அறங்காவலர்கள் உள்ளிட்ட பலர் கலந்து கொண்டனர்.