பழநி; பழநி கோயிலுக்கு தைப்பூசத்தை முன்னிட்டு மாட்டு வண்டியில் வந்து தரிசனம் செய்து பணிக்கம்பட்டி பக்தர்கள் சென்றனர்.

பழநி கோயிலில் பிப்.,11 ல் தைப்பூசத் திருவிழா நடைபெறுவதை முன்னிட்டு பல்வேறு மாவட்டங்களில் இருந்து பக்தர்கள் பாதயாத்திரையாக வருகை புரிகின்றனர். நேற்று கோவை மாவட்டம், பொள்ளாச்சி அருகே பணிக்கம்பட்டியைச் சேர்ந்த கிராம மக்கள் ஆயிரத்திற்கும் மேற்பட்டோர் பாதயாத்திரையாக பழநி கோயிலுக்கு வந்து தரிசனம் செய்தனர். இவர்கள் நூறு ஆண்டுகளுக்கு மேலாக பாரம்பரிய முறையில் மாட்டு வண்டியில் வருகை புரிகின்றனர். இந்த ஆண்டு மாட்டு தீவனங்களை ஏற்றிக்கொண்டு 20 மாட்டு வண்டிகளில் வந்தனர். மேலும் இவர்களுடன் ஆட்டோ, சைக்கிள், டூவீலர், கார் ஆகியவற்றிலும் வருகை புரிந்தனர். இவர்கள் காவடிகள் எடுத்து, அலகு குத்தி நேர்த்திக்கடன் செய்தனர். இன்று மாட்டு வண்டிகளில் வரிசையாக சென்றனர். மாட்டு வண்டி ஓட்டி வந்தவர்கள் கூறுகையில் கடந்த ஆண்டு கிரிவீதியில் மாட்டு வண்டி அனுமதி இருந்தது. இந்த ஆண்டு அனுமதி இல்லாததால் தனியார் வாகன நிறுத்தங்களில் மாட்டு வண்டிகளை நிறுத்த வேண்டிய சூழல் ஏற்பட்டது. இதனால் ஒரு மாட்டு வண்டிக்கு ரூ.400 வீதம் தனியார் வாகன நிறுத்தினர். இதனால் அதிக செலவு ஏற்பட்டது என மாட்டு வண்டி எடுத்து வந்த பக்தர்கள் கூறினர்.